سلام
السلام عليكم
للأسف اليومين الي طافوا حاشني اكتئاب نفسي موسمي يبدو انه للجو الماطر اثر في تكوينه !!ـ
صرت ما اشتهي اطلع او ادرس او اطبخ او حتى اكتب شي ..بس نووووم
حتى صور العرايس الي سويتها ذاك اليوم ما ياني مزاج انزلها
لكن مع الوقت بديت ارد لطبيعيتي ولله الحمد
ومن الشغلات الي ساهمت بتحسين النفسية هو شوفة الشباب الطيب ولقياهم
"لقاء الإخوان جلاء الأحزان "
وبما اني يبت طاري لقيا الشباب ففي موضوع لاحظته من زمان وودي اتكلم عنه
لما تتصل على واحد تكون ردة الفعل الطبيعية هي :ـ
ألو ... السلام عليكم
لكن في ناس عندها " لزمات " مميزة تخليك تعرفهم على طوول
وبما اني احب الشغل الموسوعي فراح اسوي لستة تتحدث باستمرار للزمات الشباب
-----------------
راح ابدا اول شي مع اصغر خواتي .. دايما ادق عالاهل الصبح ويكونون كلهم نايمين الا هالاخت العجيبة
تشيل التلفون وبعدين تشكل : الو ... الو ...الو ..الو
ولما تستوعب اني اخوها : هلا اخوي شلونك شخبارك عسااااك بخيييييييير ...دقيقة اناديلك امي ( شدعوة ماتبين تكلميني !!)ـ
....
واحد من الشباب ردة فعله تكون جذي : هيلا واااالله ( يعطيك اياها بلحن تقول واحد سكران !!)ـ
...
واحد ثاني : الو ..يا الله حييه ..شلونك ...شخبارك ..عز الله مقامك ( آخر عبارة محلها من الإعراب عبط مجزوم بالجزمة !!)ـ
...
واحد ثالث : الو ..هلا الطموح ..آمر بغيت شي ( يعني بسرعة خلص مكالمتك مو ناقصين خساير )!!ـ
...
واحد رابع : بطاااااااااطه ( شنو اصغر عيالك انا هني !!)ـ
طبعا نفس هالشخص مسكين اذا اي واحد من الشلة يبي يدق عليه لازم يقول اول شي : نييييييييموووووووووووو ( طبعا سر العلوقة له علاقة باسم العايلة )!!ـ
....
واحد من الشباب كان اول مايدق علي يعطينني اياها : مديييييير ( مرة صدقت نفسي وخليت نك نيمي مدير موقع واهو علقها الى الابد )ـ
وردي يكون : مولاناااااااا ..بركاتك ( الأخ من ربع الجفري سابقا !!)ـ
......
وتتوالى " اللزمات " عند الشباب
إن شاء الله متى ماتذكرت لزمة جديدة اضفتها ببوست جديد
وبإنتظار لزمات جديدة :)ـ
posted by tamotest @ 7/12/2005 09:06:00 AM
14 comments
14 Comments:
LOL!
لزمات ظريفه :D
أحلى شي.. مولانا بركاتك :P
hehe
nice stuff
nothing better than sitting with al 2ikhwa you see them and remember Allah
every thing yihoon
and they remind you of 9abr
sticking arround the ukhwa is always khair
LOOOOOL @ mawlaanaaa barakatak
i have a website for you then
www.almijhar.net
خطاك السو على الاكتئاب وميخالف شر لابد منه ...اذا تعسرت لا تنسى دعاء الهم والحزن
اللزمات عجبة
LoOOoOoL
اخوي الصغير اسمه بتليفوين بطاطتي:)
واكره شي لما اخوي الكبير يرد:هاااا
في اكتشاف اسمه الو أعتقد
:)
وعمي اذا مستعيل يرد :قول الو
يعني ياللي داق قول الو
لووووول:)
بس اللي يقولك هلا تامر على شي
ماحب جذي!!
مو طالبين هارديز مثلا
:Pp~
LOL !!
صج ضحكت و انا اقرا بوستك لأني معاشر هالنوعيه من الشبيبه اللي عليهم فناتق و ابداعات باللزمات :))
انا من بلشت ادرس و اشتغل بره الكويت و انا امشبص بكلمة وحده :
YES
تخيلها بصوت عالي و على شكل : نعم ، خلصنا
لا تكتئب يا الغالي .. ترى الهوم سك و ضيجة الصدر شي طبيعي حيل بالنسبة حق واحد بسنك و وضعك بره الديره .. الله يسهل امورك
hahaha you cook two
so that makes the two of us
am a good cook by the way:P
muu mithl banat these days
only egg and tea
ClOuDs :
حياج الله في مدونتنا المتواضعة
سعيد بزيارتك لا تقطعين
q8ibloger :
حيا الله شيخ المدونين
كلامك عدل في عدل .. من غير الأخوة احنا نضيع
وموقع المجهر هذا عجيييب
كان له فضل كبير في ان " مولانا " يعرف حقيقة الجفري ويتركه قبل لا يتوفى الله يرحمه
ومن المحاضرات الي عجبتني عن الجفري واهديها حق كل مغتر فيه محاضرة الشيخ قاري الحسيني
http://www.muslemoon.net/audio/jafri/jafri.htm
وتشرفنا بزيارتك لنا
EsTeKaNa
خطاج الاش وان شاء الله الدعاء ماينسي
بطاطتي !! والله اكتشفت انه الكويتين شعب يحب البطاط :)ـ
بس سالفة هااا والهارديز هذي صج مشكلة يجماعة اشفين ماندق مرة ثانية بطلنا !!ـ
تعليقاتج عجيبة واثرت الموضوع
eb9ara7a
يااااس
احلى شي لما تقولها حق واحد بالكويت يخترع مايعرف شيرقع بالانجلش !!ـ
وبالنسبة للاكتئاب الموسمي فما اتوقع انه هوم سكنس بقدر ماهو شوية هموم ان شاء الله تنفرج بالقريب العاجل
ويزاك اللهخير على دعائك يا الغالي
Q8-Leo
أحححح ..كلش ولا الاستعباط على واحد ويطلع ماتعرفه !!ـ
ذاك اليوم صار لي نفس الموقف ..داق علي واحد واستلمته ها محمد شلونك وشخباااارك ولهنا عليك يا الغالي ..وسوالف عشر دقايق وبالاخير قلت له شلون الكويت قالي انا مو بالديرة ..قلت له شمسفرك محمد ..قالي اصلا انا مو محمد ..انا صاحبك احمد يا التعبان هني ادرس بكندا قلت اسايرك محمد محمد نشوف وين تاليها !!،
صج فشلة ذاك اليوم
سعيد بمرورك لا تقاطعينا
q8ibloger
اوووه والله مولانا طلع مو هين
خلاص عيل قريب ان شاء الله نسوي البطولة السنوية الاولى للطبابيخ البلوقجية
انا وانت وعندنا بصراحة نشوف منو احسن طباخ
و الجائزة نخليها ماجلة سنة من سوق الميرة ..لوول
طاح سوقكم يا البنات للاسف يعني !!ـ
Allah y7ayeek
ya akhi walla sheikh walla ba6eekh
bass
OMG akheeran some one who has wala2 and bara2
now am very happy
:)
this jafri is out of the question mubtadi3 7adda mubtadi3
cooking is fun
and you can always inovate make as much bid3a in it as you want :P
LOL maybe we should give lessons and the 2akhawat can learn somehting :P 3assa yinfa3hum shay
q8ibloger
لا فض فوك ياشيخنا الفاضل
الجفري اكيد
out of question
بس الله يهدي الي مغترين فيه لانهم وااايد
والله يهدي دكتور طارق سويدان الي كل يومين يايبه لنا الديرة ..واحنا ناقصين !!ـ
اما بالطبخ ...فانا سمعت نظرية مو متاكد منها تقول انه افضل الطباخين في العالم هم الرجال
واتوقع لانه الريال اذا يبي يطبخ فهو يطبخ بمزاجه فيبدع
غير عن المرة الي تطبخ غصبن عليها علشان يرضى ابو العيال !!ـ
لا تطوفك العرايس )ـ
cool openings
اخي المجهول
ردك بالانجليزي خلاني احصر توقعاتي بشخص واحد
المشكلة انه هالشخص مذكور بالموضوع :)ـ
مشكور على الموضوع الحلو يالمدير ولا تحبط ولا يضيق خلقك يلاه كلها جم سنة اوترجع الكويت
بس عندي سؤال مولانا اهو دار التوحيد ولا المفجوع
لوووووووول
timberland, ugg boots, ray ban uk, converse pas cher, oakley pas cher, michael kors outlet, michael kors, nike blazer, michael kors outlet, burberry, true religion jeans, lululemon, coach outlet, north face, air force, nike air max, sac guess, hollister, michael kors, lacoste pas cher, michael kors outlet, mulberry, new balance pas cher, ray ban pas cher, abercrombie and fitch, replica handbags, nike free run uk, north face, michael kors outlet, vanessa bruno, coach outlet, burberry outlet online, hermes, michael kors, ralph lauren uk, true religion jeans, kate spade handbags, nike roshe, nike air max, tn pas cher, nike air max, michael kors, ugg boots, true religion jeans, vans pas cher, coach purses, true religion outlet, hogan, michael kors outlet, hollister pas cher
The Best Apps and Games For Android ·https://apkmiz.com/hardees-kuwait-mod-apk-%d9%87%d8%a7%d8%b1%d8%af%d9%8a%d8%b2-%d8%a7%d9%84%d9%83%d9%88%d9%8a%d8%aa-android-download/
Post a Comment
<< Home