عراااايس
كما وعدناكم خصوصا معاشر العزابية لانه الحريم شكله مامنهم فايدة وماراح يدشون المطبخ !!ـ
... ها أنا ذا الشيف الطموحي أعود بوصفة جديدة وأكلة جديدة من
ماراثون الطبخ - 2005
وأكلة عجيييبة من اسمها ...اكلتنا اليوم
" عرااايس "
الله يرزقنا ويرزق الجميع !!ـ
في البداية يطلع اللحم البقري المفروم من الفريزر بعد انتهاء العصر الجليدي الرابع
" انا سمعت ان اقصى حد للحم المثلج هو 6 شهور ولكن بما اني اتبع نظريات يدتي فماهمني انه اللحم صارله تسع شهور منسي "
وعقب مايفج الثلج شوي ينقط بالمشخال و تبدا طقوس العذاب
طريقة الوالدة هي انك تفقس اللحم بكل ما اوتيت من قوة الى ان يذهب اللون الاحمر " يعني لما يصير ماعندوش دم "ـ
لكن بما ان هذي الطريقة تتعب وااايد بالغسيل فقد حولت الى طريقة احد الشباب الله يحفظه الا وهي انك تضغط على خفيف وبعدين تحط اللحم في جدر وتترسه ماي وتخليه يفوح حول النص ساعة وتجيك اذا الماي لونه احمر معناته في دم ...يعني عيد العملية مرة ثانية الى ان يصير لون الماي ابيض او احمر فاااتح
بعدين تشخل اللحم وتخلطه مع عصير من البصل والطماط والبقدونس والليمون وزيت الزيتون وكاتشب
HP
نفس ماركة الجهاز :)ـ
طبعا انا جربت مرة وحدة اعصر بالمبشارة وطلعت دموعي " دموع الفرح "ـ بسبة البصل فقلت ماني عايدها مرة ثانية
وطلعت عرايسي كنتيجة لهذا التهور جنها صمون شاورما
المهم سيدي الفاضل
تنخلط الخلطة بيطة يدويا وبعدين تيب خبز لبناني
وتقصصه نصين وتحشي كل نص بشيء من الخلطة العجيبة مع مراعاة دهن الخبزة بزيت الزيتون من الداخل والخارج عشان تتحمش اذا ماني غلطان
بعدين اذا عندك شواية مالت التوست فانت سعيد الحظ ... حط الخبز بالشواية وسكر عليها ربع ساعة الى عشرين دقيقة وطبقك جاهز
اما اذا ماعندك فعليك بالقصدير
غط كل قطعة بالقصدير وبعدين دخلها الفرن بدرجة حرارة متوسطة
خلها تنشوي ربع ساعة وبعدين اقلبها على جنب وخل تشوي ربع ساعة ثانية بعدين طلعها من الفرن وتمتع بطبق اليوم هنيئا مريئا
وصحتييييين
-----------------------
اليوم راح اطلع بدعة يديدة " مدونتي وكيفي "ـ
مع كل بوست يديد بحط ملف صوتي اعجبني
عاد اذا مالقيت شي عاجبني انتوا كيفكم
اليوم لقيت قصيدة صج قصيرة لكن عجيبة للشيخ مشاري العفاسي الله يحفظه
posted by tamotest @ 7/14/2005 10:38:00 AM
13 comments
13 Comments:
مالك بالمجابيس والمشاخيل (جمع مشخول)؟
:)
ضربت عالوتر الحساس ونقطة الضعف
حاولت مرارا وتكرار اسوي عيش نفس الاوادم لكن ماكو فايدة
فاضطريت اتنازل عن كبريائي و اشتري جدر بخار واريح بالي
اما الايدام فلي مجابيس محترمة " ومصورة " ان شاء الله تنحط قريبا
لكن غالبا الايدام يكون اسرع شي ...علبة تونة وسلطة ...قطو مو الطموح :)ـ
شقردي ماشالله عليك
منزماااان و انا رافع الرايه البيضه و اعلنت الاستسلام ! لانه تجاربي بالمطبخ فاشله فاشله فاشله
ثلاث مرات
الحين اتفنن بالمقلى بس ! همبرجع و جكن نقتس و جبس و فش فنقر
شد حيلك .. باجر ام المعزبة تحبك زود اذا درت انك راعي جدور :))
اخي الكبير بصراحة
يعني انا الي تجاربي ناجحة ..احط الصور اتفلسف عليكم وانا الي ابتلش بالاكل بعدين :)ـ
والمقلي كثر مايبدوا انه سهل الا انه مأساة لما يطشر الزيت ومأساة أكبر وقت التنظيف
نصيحة تعلمتها من روميتي الي مايواطن المقلة : اذا مشتهي فيش فنقرز ولا شيكن نيغتز وخلافه بدال لا تقلي وتتعب احذفهم بصينية باركس بالفرن عشر دقايق بعدين اقلبها عشر دقايق ثانية ويكون كل شي جاهز من غير لا تضيف حتى قطرة زيت وحده !!ـ
يظل الغسل صعب لكن الشغلة صحية ومضمونة
سعيد بمرورك والله يهني ام سعيدة الحظ من الحين :P
hehe inshallah i ll try
its easy to use minced meat in anything :)
the first thing i cooked was a kharboo6a
i bought minced meat and cooked it with oinion and peas and spices
i ate it with rice a yoghurt
it was amazing :) even though it waa out of my 2ibdaa3 :)
inshallah i ll try the way you said and i ll tell you :)
الحريم ما منهم فايدة
وما راح يدشون المطبخ اممممممممممممممممممممم
@@
ما كنا طيبين؟
اشفيك على الحريم؟
الحين لوما الغربه احد منكم دش مطبخ ولا مد ايده ياب له قلاص ماي؟
ما ظنتي:)
هني وعافيه
خوش عرايس بنات حمايل وسنعين
:)
This comment has been removed by a blog administrator.
يبيلك تزورنا الشالية تشوف ابداع الشباب بالمطبخ، وابداعي عالسفرة وأنا آكل;p
امبشس نصيحة أخوية لوجه الله اقره يامعود على روحك !! الانِسات شكلهم بيصكونك عين؛ ماسوت عليك هالعرايس;)
شيخنا q8ibloger
والله اللحم المفروم عجيييب
وماكو على القيمة
الحين نحس بقيمة مطاعم الجباتي ...عقب مانطبخ الخرابيط وناكلها بعدين نحس شلون يتعبون الهنود ممساااكين
وان شاء الله تكون للحين تبدع وماتكون هذيك اخر تجربة !!ـ
-------------
اختي استكانة
اي نبي نحمسكم شوي مايفيد فيكم الا جذي !!ـ
بس بصراحة معاج حق ...لوما الغربة منو فاضي يدش المطبخ
ايام اول كنت اضحك لما اقول بس عالوالد واخوي الصغير لما كان يتعالج برا شلون كل يوم ماعندهم سالفة الا اخر طبخة سووها
بس صج من يضحك اخيرا يضحك كثيرااا
وبالنسبة للعرايس لاحظي شغلة ثانية
تراهم متسترين مو مثل بنات هالايام
قصدير من راسها لي كرياسها !!ـ
--------
اختي Q8-Leo
الله يعافيج
بس بيني وبينج لو انا مكانج على طول تلفون اقرب مطعم العرايس عند الباب ولا منة احد !!ـ
انا رحمة اني برا الديرة ولا جان على الصحة السلام !!ـ
----------
اخي غسان
انا بزوركم الشاليه بس ما ابي اشوف ابداع الشباب بالطبخ
ابي ابداااعك بالاكل لانه غالبا الي ياكلون يبدعون اكثر :)ـ
وشكلك صاج لاني يومين ماطبخت شي مادررريش السالفة متعومس
تف تف تف ...قل اعوذ برب الفلق !!ـ
ياحلات العرايس
قصدي الاكل موشي ثاني
8)
إلا أقول مو جنه بسرعة اللحم مخليه يستوي .. بشر شلون الطعم ؟ لأني مفكر أسويها بس المشكلة الكبر إهي غسل الأدوات بعد الأكل .. ودك تريح
اخي المجهول
اشووه قصدك الأكلة
دير بالك تفكر باشياء ثانية :)ـ
اخي مساعد
بيني وبينك شوية استعيلت عاللحم لكن هم انا كنت مخليه يفوح نص ساعة اساسا فماكانت راح تفرق معاي وايد عشر دقايق او حتى عشرين دقيقة بالفرن
الطعم كان جنه شاورما لحم بس هم زيين !!ـ
وترا لا يغرك الاكلة هذي بالذات مافيها غسال وايد
الشي الوحيد الي يعور القلب هو المشخال ولا شغلك كله بادية للأكل وقفشتين وقصدير يروح الزبالة
قوي قلبك يارجل !!ـ
oakley sunglasses, nike air max, prada outlet, air max, nike free, prada handbags, polo ralph lauren outlet, nike air max, longchamp outlet, kate spade outlet, louboutin pas cher, oakley sunglasses, louis vuitton, replica watches, louis vuitton, ugg boots, ralph lauren pas cher, louboutin shoes, ray ban sunglasses, uggs on sale, longchamp pas cher, tory burch outlet, cheap oakley sunglasses, louboutin outlet, longchamp outlet, replica watches, michael kors, ugg boots, ray ban sunglasses, louis vuitton outlet, oakley sunglasses, oakley sunglasses, nike free, nike roshe run, sac longchamp, louis vuitton outlet, louis vuitton, tiffany and co, tiffany jewelry, jordan shoes, louboutin, ray ban sunglasses, nike outlet, gucci outlet, christian louboutin outlet, air jordan pas cher, chanel handbags, polo ralph lauren outlet, longchamp, burberry
Post a Comment
<< Home