اعتذار

السلام عليكم ورحمة الله وبركاته الأخوة والاخوات الأعزاء الي يسيرون على مدونتي المتواضعة سامحوني حيييييل على انقطاعي الفترة الي مضت وعدم ردي على تعليقاتكم بصراحة صارت ظروف خارجة عن نطاق السيطرة امتحان اللغة الغثيث الي صارلي سنة ونص اعابل فيه نتيجته طلعت الاسبوع الي طاف وكانت سلبية ولله الحمد وبما انه ذيك المرة كانت المرة رقم 12 قلت اذا سويته بعد مرة ماراح انجح لانه رقم النحس 13 ( لحد ياخذها جد ويقول لي مايجوز !!)ـ فصار خلاص لازم اهد هالجامعة واهد المدينة بكرها ودااااااااااااعا فانكوفر ... بنفقدج وبنفقد المطر الي مغرقنا طول السنة وبنقد الصينين الله يفكنا منهم !!ـ يعني كان علي الاسبوع الي طاف اني اراسل المكتب الثقاي واقول لهم يطلعون لي قبول بجامعة ثانية خلال اسبوع بس " حشى سوبر مان مو مكتب ثقافي )ـ وبعدين ادور شركة نقليات وبعدين اسكر جناطي واشيل قشي تمهيدا للنقل وبعدين ادرس للفاينلات الي انوا امس وبعدين اجهز للسفرة الي اهي باجر واااااااااااااو هالاسبوع صج كان هلاك بس مع هذا انا الحين حدي مستانس الاهل توهم راكبين الطيارة بالكويت وان شاء الله باجر بيوصلون كندا في اجازة صيفية راح تكون عجيبة باذن الله " طبعا الاجازة شهر وانا صارلي شهرين اضبط فيها !!!!" والله شي عجيب ...اخر مرة شفتهم كانت قبل احدعش شهر بالضبط لما رديت الكويت اخر مرة الصيف الماضي صج الايام تركض بسرعة ماحسينا فيها طبعا ادري موضوعي عفسة ومرقع بس شسوي قاعد اكتب بسرعة بسرعة علشان اخلص واسكر الجهاز واحطه بكراتين واشحنه خو تدرون ماعندي لاب توب وهالشي يعني اني ماراح اقدر اكتب بالمدونة لمدة شهر وهي فترة الاجازة العائلية يعني هم زين لكم بترتاحون مني شوي ومن قرقتي الزايدة وهم فرصة لي اجدد افكاري عموما ماطولها وهي قصيرة شركة النقليات مابقى شي وتوصل وانا ماشلت المكتب ولا الجهاز استودعكم الله ديروا بالقكم على مدونتي لحد يبوقها :)ـ ولي يدشون Annoymes خل يطلعون لهم نك نيمات لانه مفضوحين ترى !!ـ ومع السلامة