مسلم في الغربة ..
" تحديث بالاسفل "
وصلني هذا الإسبوع فيلم وثائقي قصير " 18 دقيقة"ـ
وتدور أحداث هذا الفيلم حول طالب خليجي يصل إلى جامعة في بريطانيا لدراسة الهندسة ليصطدم بالواقع المر ويحوشه الهوم سكنس
إلى أن تصك الدنيا بويهه ويسحب أوراقه .. وبعدين يحصل مالم يكن بالحسبان فترتفع معنوياته ويقرر مواصلة الكفاح
.
.
الفيلم بسيط والسينارو مو ذيك القوة
ومبالغين فيه لما قالوا بس
شدعوة يعني معقولة واحد خليجي يسافر بريطانيا ومايعرف احد هناك
او مايدري انه المسلمين هناك هم اهل البلد ؟!ـ
او يروح يسولف مع شيخ خليجي ثاني ويكلمه انجليزي .. يعني الاكسنت فضيحة ياجماعة :)ـ
.
.
لكن بصراحة عجبني حيل كشغل ناس هواة
والي أهم من هذا انه الفيلم من بطولة مهندس .. اخو واحد من الربع !!ـ
يعني المهندسين اثبتوا وبجدارة انهم بتاع كلوه :)ـ
=====
إذا ماكان عندك كيبل سرعته 2 ميغا " غريبة في احد للحين ماعنده كيبل " !!ـ
يعني نفرض انه ماعندك كيبل والملف عندك يقطع فينصح انك تحمل الملف كاملا إلى جهازك
لكن قبل هذا تأكد ان البرنامج الي يشغل هالنوع من الملفات موجود عندك " مشغل افلام غوغل " ـ
posted by tamotest @ 4/02/2006 08:18:00 AM
13 comments
13 Comments:
اختي نوار .. حدثت الموضوع مع لنك لتحميل الملف ...اتمنى يفي بالغرض ... واسعدني ان موضوعي حاز على إعجابج .. حياج الله في مدونتنا وهذي الساعة المباركة
يعطيك العافية عالموضوع مهندسنا
والحين بشوف الفلم واتوقع شي طيب لأنه أنت الي حاطه :) ..
ياعيني يا ليلي على مهندسنا...اووووووووب
واقول كما يقول الشاعر الإيرلندي:
ما أكثر المهندسين حين تعدهم
ولكنهم بالنائبات قليلُ
أخوك بوجسووم :) ..
والله في ناس وايد ترى ما يدرون وين الله قاطهم
لكن ان شا الله متى ما فضيت طالعته لأن طبعي مو اطالع وامشي
ااطالع واسويله موضوع خاص
و و و لويه شغلي.. خلك مني الحين
وسلم عليه وقوله تشكر عتيجه لبلوقيه جهودك
وان شا الله بقعد افصله تفصيل ..عاد حيل دقيقه بهالسوالف
اختي نوار .. ماشاء الله ماشاء الله ..النت عندكم شكله اسرع من البنتاغون !! .. اتوقع قصدج 128 كيلو بايت الي اهو الدي اس ال العادي لان المطار الي اهو اسرع شي بالديرة سرعته 8 ميغا بس " اذا ماني غلطان " :) عموما اتمنى انج قدرتي تنزلين الفيلم بنجاح ..
اخوي بوجسوم ... ماعرفنالك امس ادب اسباني واليوم ايرلندي ..صج انه عندنا مواهب مدفوووونة لازم نكتشفها في عالم البلوجات !! ماعليك اذا صار عندك نائبة دز لي sms وتلقاني عند ويهك :)ـ
اختي عتيجة .. ماشاء الله عليج شكلج ناقدة محترفة ... شكله صاحبي راح يتقطع ..اشوه انه مو اهو الي يمثل ..اخوه التوأم !! وان شاء الله تنتهين من اشغالج في القريب العاجل .. شكلهم كارفينكم كراف
مجهود جميل وطيب وشغل متعوب عليه
فلم خفيف واضح الهدف والرسالة
بس بصراحة ، الحياة في الغربة ما تسوى ولا يمكن الصبر عليها الا بوجود جمعة شباب مسلمين و مجتمع اسلامي ومسجد
وهذا هو المعيار الأول والاساسي في اختيار مكان الدراسة سواء في بريطانيا او امريكا او كندا ، الجامعة والمدينة لازم يكون فيها مجتمع مسلم ومركز اسلامي .. وانا قبل لا احوّل ديرتي هذي كنت في كاليفورنيا المدينة مافيها ولا مركز اسلامي او مسيد .. كان فيه مصلّى بسيط ومؤقت بعد
عدل كلام يا المغترب ... الرسول صلى الله عليه وسلم لما هاجر المدينة قبل لا يسوي اي شي بنى مسجد وهذا ان دل على شي فهو يدل على اهمية المسجد في حياة اي مسلم فمابالك بالمغترب عن اهله وعن دينه بعد !! .. بس امحق من ديرة يااخي ..مافيها ولا مسجد !! ماتنلام تهج منها ... عندنا ماشاء الله هني حوالي خمسين مسجد !! وحكومة المحافظين الجديدة " على غير المتوقع منها " اصدرت قانون جديد قبل اسبوعين تلزم فيه كل مدرسة او جامعة انها توفر مصلى للمسلمين اذا طلبوا ... هذا والمسلمين سوو حملة انتخابية كبيرة ضد الحزب الي ماسك الحين .. بس سبحان الله اذا اراد شيئا قال له كن فيكون ..
Khoooshh film walla :D
bs kan over direct,ya3ne they couldve used a better way to deliver the message, bs 9ara7a ya36ehum el3afiya kan khosh ekhraj:)
thanks Bro !
فعلا اخوي utmost كلامك عدل .. لو كان في تركيز على نقاط اخرى غبالغضافة إلى نقطة غربة الدين لكان الفيلم اقوى .. يعني مثلا الضغط الدراسي وصعوبات اللغة وبعد الأهل ومشاكل الحياة من مصاريف وايجارات وهالسوالف .. وبعدين كيف ان الطالب لما يحتك باخوانه بالمسيد مو مجرد سلام ويمشي يلقى انه اموره بدت تنحل وانه صلته بربه بدت تزيد وهذي تكون اهم نقطة .. براي بهالطريقة كان ممكن يكون الفيلم واقعي اكثر وله تاثير اكبر .. لكن مثل ماقلنا من قبل يظل جهد جدا جميل ومحاولة راقية بصراحة .. سعيد اخوي بمرورك
tara ana tat3bat nafsiaaan ..
i've been tryN since u posted it !
kelaa ega6e3 :/
فا ما كان عندي شي اعلق عليه
بس بما ان الحوار شيق و فيه نقاط
اخوي بو جسووم كتب مرة عن الغربة
بين الاهل و الاحبة
و احسها اشد و اقسى
لكن غربتكم شيء مهــــول
مو الكل يقدر عليها .. و اللي يمشيها
غالبا ما يتغير بدرجة كبيرة
سواء للاحسن او الاسوء
ياما شباب معتدلين راحوا دراسة
و انتكسوا و انعفسوا .. فكره و جوهره
مرة وحدة متبدل
هالفئة الضعاف .. ايمان و شخصية
اما اللي يدرك خطر الغربة
و سلاحه ضدها .. صحبة صالحة تعينه
فا هذا الوحيد و القدير على تحملها
و يرجع لاهله سالم غانم .. شهادة ترفع الراس .. و صقل تام و كلي لرجل قادم
بقوة و "" طموح"" الى الحياة
;D
تخيل اني كنت مزهبة اوراقي بقدم حق بعثة
ما ادري ابوي فجأة طرح الفكرة و سعى فيها
انا كنت اطفره ابي ادرس بره
و الله .. راح الدوانية رجع
يقولي .. عمامج يقولون لا تدرس
بالكويت .. ميانين و يعقدونها
كرف و عماة عين .. تروح امريكا احسن
قلت استخير
قبل الاستخارة .. ما ياز لي سفر بدون محرم .. لا تخصص نادر و لا غيره
اول ما طرى لي شكلي و انا اطق اطوف بروحي .. صرت مينونة قبل لا اروووووح
لــــــــــــــــــــــــــول
منو فاز بالاشتطاط انا و الا انت ؟؟
قصيت قصة حياتي الا شوية .. بس لانك تتفاعل مع الكل بروح حلوة و حماس متقد
و تونسني ردودك الطويلة المشبعة
قلت اردها بطيب خاطر
كتبت بوست انا جني
;PPpp
الله يحفظكم و يردكم باقرب وقت
و تلاقون حبايبكم باحسن حال
اختي احلى مهندسة .. ماشاء الله هذا وانتي ماشفتي الفيلم الله يعين لو شايفته :)ـ
كلامج بالضبط نفس الي قاله لي واحد من الربع .. اذا اغتربت يا اما يزيد ايمانك او انه ينقص لكنه مايظل ثابت .. عن نفسي كنت اظن اني كنت ملتزم ومحافظ اول ماوصلت لكن الحين لما سويت تقييم لنفسي لقيت اني تنازلت عن اشياء وايد من غير لا اشعر .. احاول ارقع نفسي لكن الله كريم ...
وانا اقرا سطورج قمت اقول بيني وبين نفسي الله يستر لا يكون سووتها وسافرت تدرس بروحها .. حده يضيق خلقي لو شفت او عرفت انه وحده سافرت بروحها .. البنات هني وخاصة الملتزمات ،او خنقول الي يحترمون نفسهم لانه صعبة ملتزمة تسافر بروحها ، حالتهم جدا كسيفة .. اذكر ايام ماسوينا قروب بريدي وحدة مسكينة من البنات كل يوم دازه ايميل تقولنا بلييز اذا سويتوا اتحاد قنعوا بنات من الكويت اييون بعثة يدرسون بمدينتي لاني برووووحي !! طبعا الرد هو يصير خير .. خلنا نقص على الشباب بالاول وبعدين نقص عالبنات :)ـ
بس شكله المحيط العام مشترك ..يعني انا خوالي كله يقولون لي لا تدرس بالكويت .. ابوي من كنت بالابتدائي يقولي ادرس وييب امتياز عشان تروح بعثة امريكا .. يعني كنت مبرمج اني اروح بعثة مهما كان الثمن !!ـ
شطتج اسعدتني .. كتبي بوستين ثلاثة المدونة مدونتج واذا تبين الباسورد بعد هم ماكو مشكله :)ـ
oakley sunglasses, nike air max, prada outlet, air max, nike free, prada handbags, polo ralph lauren outlet, nike air max, longchamp outlet, kate spade outlet, louboutin pas cher, oakley sunglasses, louis vuitton, replica watches, louis vuitton, ugg boots, ralph lauren pas cher, louboutin shoes, ray ban sunglasses, uggs on sale, longchamp pas cher, tory burch outlet, cheap oakley sunglasses, louboutin outlet, longchamp outlet, replica watches, michael kors, ugg boots, ray ban sunglasses, louis vuitton outlet, oakley sunglasses, oakley sunglasses, nike free, nike roshe run, sac longchamp, louis vuitton outlet, louis vuitton, tiffany and co, tiffany jewelry, jordan shoes, louboutin, ray ban sunglasses, nike outlet, gucci outlet, christian louboutin outlet, air jordan pas cher, chanel handbags, polo ralph lauren outlet, longchamp, burberry
timberland, ugg boots, ray ban uk, converse pas cher, oakley pas cher, michael kors outlet, michael kors, nike blazer, michael kors outlet, burberry, true religion jeans, lululemon, coach outlet, north face, air force, nike air max, sac guess, hollister, michael kors, lacoste pas cher, michael kors outlet, mulberry, new balance pas cher, ray ban pas cher, abercrombie and fitch, replica handbags, nike free run uk, north face, michael kors outlet, vanessa bruno, coach outlet, burberry outlet online, hermes, michael kors, ralph lauren uk, true religion jeans, kate spade handbags, nike roshe, nike air max, tn pas cher, nike air max, michael kors, ugg boots, true religion jeans, vans pas cher, coach purses, true religion outlet, hogan, michael kors outlet, hollister pas cher
air jordan
christian louboutin
guess factory
mont blanc pens
sac longchamp
louboutin
balenciaga sneakers
polo lacoste pas cher
longchamp handbags
moncler outlet
2018.2.1chenlixiang
Post a Comment
<< Home